Skrökva komst í oddaaðstöðu

Kosningar til Stúdentaráðs í Háskóla Íslands fóru fram í gær og í fyrradag og liggja úrslit fyrir. Vaka hefur haft meirihluta í eitt ár en nýtt framboð, Skrökva, kom manni að í þetta skiptið og er í oddaaðstöðu.

Röskva fékk 2263 atkvæði og fjóra menn kjörna og Vaka fékk 2424 atkvæði og einnig fjóra menn kjörna. Nýja framboðið, Skrökva, fékk 745 atkvæði og 1 mann kjörinn.

Í kosningu til Háskólaráðs var hnífjafnt á með stóru fylkingunum og fékk Röskva 2272 atkvæði, eða 50,04% atkvæða og Vaka fékk 2268 atkvæði eða 49,96%. Kosningarnar voru rafrænar og var kosningaþátttakan 39,5% eða 5% meiri en í fyrra.