Verkfall flugumferðarstjóra skaðar ímynd landsins

Samtök ferðaþjónustunnar segja það mjög alvarlegt mál að fámennir hópar geti truflað flug til og frá landinu og þar með valdið skaða fyrir flugfélögin og ferðaþjónustuna í heild.

Í yfirlýsingu vegna verkfalls flugumferðastjóra í morgun segir að verkfallið hafi valdið samtökunum miklum vonbrigðum. Það hafi truflað flug þúsunda farþega og bent á að fregnir af slíkum verkföllum séu fljótar að berast til annarra landa með slæmum afleiðingum fyrir ímynd landsins.

Samtökin skora á samningsaðila að ná samningum áður en til næsta verkfalls kemur þar sem miklir hagsmunir eru í húfi.