„Ég elska þessa konu“

Jónína Benediktsdóttir og Gunnar Þorsteinsson, eða Gunnar í Krossinum eins og hann er oftast kallaður, giftu sig í gær í viðurvist barna sinna. Rætt var við hin nýbökuðu hjón í Íslandi í dag.

„Sennilega hvað við erum lík. Við erum bæði hrútar og við höfum gaman af nýjungum og draga fólk með okkur áfram. Við erum bæði miklir leiðtogar. Hann hefur þorað að segja í fjölmiðlum að honum þyki vænt um mig á meðan að allir aðrir voru að sparka í mig. Þannig að ég er bara skotin í manninum," sagði Jónína aðspurð hvað það var sem heillaði hana við Gunnar. Hún sagði að þau væru ekki sammála á öllum sviðum.

„Það er mjög auðvelt að elska þessa konu," sagður Gunnar. Spurður hvort Jónína væru nógu trúuð fyrir sagði hann: „Hún á mjög djúpa, hreina og einlæga trú og samfélag við Drottinn. Það er alveg ljóst. Við setjum dæmið þannig upp að við tengjumst andlega, sálarlega og líkamlega. Við höfum þennan þrefalda þráð til að tengja okkur saman."

Gunnar sagði að fjölskylda hans hefði tekið ákvörðun þeirra Jónínu vel. „Ég elska þessa konu og vill ganga með henni lífsgönguna. Við ætlum að verða gömul saman," sagði Gunnar.

Hægt er að horfa viðtalið við Jónínu og Gunnar hér.