Krefja stjórnvöld um aðgerðir

Darraðardansinn í kring um Icesave minnir á lönguvitleysu og tekur allan tíma Alþingis og stjórnvalda, segir í ályktun AFLs Starfsgreinafélags.

Stjórn AFLs krefur stjórnvöld um að hefjast nú þegar handa við undirbúning og útboð þeirra framkvæmda sem boðuð hafa verið. Segir stjórnin að fyrir liggi að ýmsir aðilar eins og t.d. lífeyrissjóðirnir séu tilbúnir að leggja fjármagn í ákveðin verkefni.

Krefur stjórn AFLs stjórnvöld um að hefjast nú þegar handa við framkvæmd stöðugleikasáttmálans. Verði ekki gripið til úrræða í efnahagsmálum sé hætta á að yfirstandandi kreppa verði enn dýpri og afleiðingarnar á íslenskt velferðakerfi enn alvarlegri en spár gerðu ráð fyrir.