Vilja rannsóknarnefnd um Íraksstríðið

Steinunn Valdís Óskarsdóttir, varaformaður þingflokks Samfylkingarinnar, og Ögmundur Jónasson, þingmaður VG og fyrrverandi ráðherra, vilja að rannsóknarnefnd verði skipuð um aðdraganda þess að Íslandi lýsti yfir stuðningi við innrásina í Írak árið 2003. Munu þau leggja fram þingsályktunartillögu þess efnis á Alþingi eftir helgi.

Ákvörðun þáverandi ríkisstjórnar Íslands Sjálfstæðis- og Framsóknarflokks um stuðning við stríðið hefur verið mjög umdeild síðan hún var tekin. Skoðanakannanir á sínum tíma sýndu mikla andstöðu við ákvörðunina. Þingmenn VG og Samfylkingar gagnrýndu harðlega stuðning Íslands við aðgerðir Bandaríkjanna og bandaþjóða.