Kærar löggur kveðja

Tveir af ástsælustu lögreglumönnum Bretlands hafa látið af störfum. Þeir Jack Frost og Tom Barnaby eru sestir í helgan stein eftir að hafa leyst flóknar morðgátur um áratugaskeið.

David Jason sem hefur leikið Jack Frost í átján ár er orðinn sjötugur. Hann ákvað sjálfur að hætta. Síðasti Frost þátturinn var sýndur nú um páskana.

-Ef ég væri alvörulögga hefði ég sest í helgan stein fyrir tíu árum. Ég komst að þeirri niðurstöðu með söknuði að það væri kominn tími til að kveðja Frost.

John Nettles er 66 ára. Tilkynnt var um það í desember síðastliðnum að hann væri að kveðja Midsommer murders. Síðasti þáttur hans verður sýndur á næsta ári.