Vilja afsökunarbeiðni frá lögreglustjóranum

Stjórn Lögreglufélags Reykjavíkur krefst þess að Stefán Eiríksson, lögreglustjóri, biðji formann félagsins afsökunar vegna ummæla sem höfð voru eftir Stefáni í fjölmiðlum.

Félagið hefur áður sakað Stefán um að svíkja gefin loforð um að ekki komi til uppsagna vegna niðurskurðar. Þessum fullyrðingum hefur Stefán vísað á bug og sagði nýlega í fjölmiðlum að engin slík loforð hafi verið gefin.

Félagið hefur nú birt upptökur af ræðu sem Stefán hélt á félagsfundi á síðasta ári máli sínu til stuðnings. Þar segir lögreglustjóri að ekki verði gripið til uppsagna til að mæta niðurskurði.