Mataraðstoð Samverja hætt

Matarstoð Samverja hefur verið hætt en ein og hálf vika er í að hjálpastofnanir taki aftur til starfa eftir sumarfríi.

Matarþjónusta Samverjans, sem var einkaframtak og gaf þeim mat í hádeginu sem á þurftu að halda, var lokað föstudaginn fyrir verslunarmannahelgi. Samverjaverkefnið var sett á laggirnar vegna þess að Fjölskylduhjálp og Mæðrastyrksnefnd fóru í sumarfrí. En hjálpastofnanirnar tvær koma úr sumarfríi 18. þessa mánaðar. Forsvarsmenn Fjölskylduhjálpar og Mæðrastyrksnefndar segjast ánægðir með hve margir hlupu undir bagga á meðan hjálpastofnanirnar voru í sumarfríi.

Ragnheiður Guðfinna Guðnadóttir, verkefnisstjóri Samverjans, segir að það hafi verið þörf fyrir þessa aðstoð. Samverji opnaði fyrstu vikuna júlí. Hún segir að yfirleitt hafi 180-200 manns komið í hádegismat til Samverja.

Ragnhildur G. Guðmundsdóttir hjá Mæðrastyrksnefnd Reykjavíkur, segir að hjá nefndinni sé alltaf lokuð í sex til sjö vikur á sumrin. En annars sé opið á miðvikudögum. Fyrri hluta mánaðarins séu matarúthlutanirnar 400 en þegar líður á mánuðinn séu þær um 520. Ásgerður Jóna Flosadóttir, framkvæmdastjóri Fjölskylduhjálpar, segir að sex hundruð fjölskyldur fái hjá þeim aðstoð vikulega.