Þurfa að halda áfram að sjóða neysluvatnið

17. júlí 2010 09:34

Íbúar á Eskifirði þurfa að halda áfram að sjóða neysluvatn fram yfir helgi að því fram kemur á fréttavefnum Austurglugginn.

Kólígerlar komust í vatnsból Eskfirðinga eftir mengunarslys í löndunarhúsi fiskmjölsverksmiðju Eskju fyrr í þessum mánuði. Eskfirðingar hafa nú þurft að sjóða neysluvatn í tæpa viku en sýni sem tekin hafa verið úr vatninu sýna að kólígerlum hefur fækkað.

Ný sýni voru tekin á fimmtudag en niðurstaðna er ekki að vænta fyrr en eftir helgi.

Tengdar fréttir

Íbúar á Eskifirði með í maganum eftir mengunarslys

Íbúi á Eskifirði hafði samband við fréttastofu og sagði að margir hefðu orðið veikir á Eskifirði eftir að kólígerlar fundust í neysluvatni bæjarins í byrjun þessa mánaðar.

15. júlí 2010 15:54

Dreifibréf í öll hús á Eskifirði: Ráðlagt að sjóða neysluvatn

Búið er að senda öllum íbúum Eskifjarðar dreifibréf þar sem þeim er ráðlagt að sjóða allt neysluvatn næstu daga í kjölfar mengunarslyss í löndunarhúsi fiskimjölsmiðju Eskju síðastliðinn sunnudag.

9. júlí 2010 18:18

Íbúar Djúpavogs geta drukkið rennandi vatn á ný

Nú geta íbúar Djúpavogs drukkið rennandi vatn á nýjan leik eftir að skemmdir urðu á vatnsveitunni fyrir helgi þegar að aurskriða féll á hana. Starfsmönnum hreppsins tókst að gera við skemmdirnar í gær og segir sveitarstjórinn skemmdirnar umtalsverðar í samtali við Austurgluggann.

5. júlí 2010 23:10