Yfir 30 þúsund Íslendingar lifa undir fátæktarmörkum

Yfir 30 þúsund manns hérlendis lifa undir fátæktarmörkum, sé miðað við skilgreiningu Evrópusambandsins.

Evrópusambandið skilgreinir fátækt út frá tekjudreifingu. Þannig að þeir sem hafa undir sextíu prósentum af miðgildi tekna, teljast vera í hætt á að vera fátækir - þetta eru sumsé fátæktarmörkin.

Gert er ráð fyrir því að einstaklingur hér á landi þurfi ríflega 160 þúsund krónur sér til framfærslu á mánuði, en tveir fullorðnir með tvö börn tæplega 340 þúsund.

Guðný Björk Eydal, prófessor við HÍ, segir að rétt yfir 30 þúsund manns séu undir þessum mörkum hérlendis. Hún segir að ekki sé hægt að fullyrða að allur þessi hópur búi við fátækt en líkurnar á því að fólkið lendi í fátækt séu umtalsverðar.

Guðný bendir á að ástandið sé þó einna skást á Íslandi, sé horft til annarra Evrópuríkja. Hins vegar þurfi tíminn að leiða í ljós hvaða áhrif kreppan hér hafi á þessa stöðu.