Blessuð blíðan

„Það er blessuð blíðan,“ sagði Sigmundur Davíð Gunnlaugsson, formaður Framsóknarflokksins, aðspurður hversu líklegt hann teldi að nýtt samkomulag náist milli stjórnar og stjórnarandstöðunnar um næstu skref í Icesave málinu rétt áður en fundur flokksleiðtoganna hófst í hádeginu.

Leiðtogarnir funda með íslensku Icesave samninganefndinni í Stjórnarráðshúsinu. Þar fara þeir yfir stöðu mála eftir þjóðaratkvæðagreiðsluna um helgina.

Ekki liggur fyrir hvort að stjórnarandstaðan sé tilbúin í nýjar viðræður við Breta og Hollendinga. Fram kom í máli Jóhönnu Sigurðardóttur, forsætisráðherra, og Steingríms J. Sigfússonar, fjármálaráðherra, að loknum ríkisstjórnarfundi í morgun að þau væru bjartsýn á að ná samkomulagi við stjórnarandstöðuna um samningsmarkmið.