Óbreytt staða í Hafnarfirði

Röð efstu manna í prófkjöri Sjálfstæðisflokksins í Hafnarfirði hefur ekkert breyst frá því að fyrstu tölur voru birtar fyrr í kvöld. Valdimar Svavarsson, hagfræðingur, er í fyrsta sæti. Hann sagði í samtali við fréttastofu fyrr í kvöld að hann teldi að sigurstranglegur listi væri að verða til.

Staða sjö efstu frambjóðenda er sem hér segir þegar talin höfðu verið 874 atkvæði klukkan 20.30:

1. Valdimar Svavarsson með 340 atkvæði í 1. sæti

2. Rósa Guðbjartsdóttir með 435 atkvæði í 1.-2. sæti

3. Kristinn Andersen með 522 atkvæði í 1.-3. sæti

4. Geir Jónsson með 373 atkvæði í 1.-4. sæti

5. Helga Ingólfsdóttir með 403 atkvæði í 1.-5. sæti

6. Ingi Tómasson með 426 atkvæði í 1.-6. sæti

7. Sigurlaug Anna Jóhannsdóttir með 384 atkvæði í 1.-7. sæti