Forsetahjónin meðal áhorfenda í Vín

Íslensku forsetahjónin eru meðal áhorfenda á leik Íslands og Póllands um bronsverðlaunin á Evrópumótinu í handbolta sem fer nú fram í Vín í Austurríki.

Íslenska liðið hafði örugga forystu í leikhléi en þá var staðan 18-10. Í upphafi seinnihálfleiks minnkuðu Pólverjar muninn. Hægt er að fylgjast með textalýsingu hér.

Sigri Íslendingar verður það besti árangur þeirra á Evrópumóti og aðeins silfurverðlaunin á Ólympíuleikunum í Kína sumarið 2008 toppa þann árangur.

Ólafur Ragnar og Dorrit fylgdust náið með íslenska liðinu á Ólympíuleikunum fyrir tveimur árum. Þá vakti framganga þeirra, og þá einkum Dorritar, talsverða athygli erlendra fjölmiðla.