Meintir fíkniefnasmyglarar áfram í gæsluvarðhaldi

Tveir karlar og ein kona, öll Litháar á þrítugsaldri, hafa verið úrskurðuð í áframhaldandi gæsluvarðhald til 17. febrúar að kröfu lögreglunnar á höfuðborgarsvæðinu.

Þau eru grunuð að aðild á innflutningi á 3 kílóum af metamfetamíni og 4.200 MDMA-töflum til landsins.

Efnin fundust í bíl í Færeyjum en áfangastaður bílsins var Ísland.

Tveir aðrir Litháar voru handteknir í tengslum við rannsókn málsins og eru þeir enn í haldi lögreglu í Færeyjum.

Málið er rannsakað í samvinnu við lögregluyfirvöld í Færeyjum og Litháen með aðkomu Europol og tollyfirvalda á Íslandi.