Hrafnistumenn etja kappi við bæjarfulltrúa

Bæjarstjórinn og nokkrir bæjarfulltrúar í Hafnarfirði mæta galvaskir á Hrafnistu í Hafnarfirði í dag til að etja kappi við heimilismenn í árlegri púttkeppni á vellinum við heimilið.

Samkvæmt upplýsingum frá Hrafnistu hefur þessi púttkeppni verið haldin árlega nokkur undanfarin ár og er keppt um farandbikar auk þess sem veitt eru verðlaun fyrir efstu þrjú sætin í bæði karla- og kvennaflokki.

Tvö undanfarin ár hafa heimilismenn hirt öll verðlaun í þessari keppni og hyggjast ekki gera breytingar þar á að þessu sinni.