Lögreglumenn aðhafast ekki

Fjöldi lögreglumanna er á Austurvelli en þeir hafa allir haldið sig til hlés enn sem komið er. Það sem af er kvöldi hafa mótmælin farið friðsamlega fram. Flugeldum hefur verið skotið á loft og kveikt í blysum. Eins og greint var frá fyrr í kvöld hafa lögreglumenn sett upp girðingu í kringum Alþingishúsið. Vonast er til að hún auki öryggi lögreglu og mótmælenda.

Griðarlegur fjöldi er samankominn á Austurvelli og enn fjölgar í hópnum. Mikill fjöldi bila er á leið í átt að miðbænum og má segja að það hafi verið bíll við bíl í kvöld.