Guus Hiddink vill endilega komast aftur til Englands

Hollendingurinn Guus Hiddink gerði frábæra hluti með Chelsea í fyrravetur þegar hann tók við liðinu af Luiz Felipe Scolari á miðju tímabili og nú vil hann hætta með rússneska landsliðið og komastað hjá liði í ensku úrvalsdeildinni.

Rússneska landsliðinu mistókst að komast á HM í Suður-Afríku sem fram fer í sumar en Hiddink stýrði Chelsea-liðinu seinni hluta síðasta vetur með fram því að halda utan um taumana hjá landsliði Rússa.

„Ég ætla að byrja á því að hitta formann knattspyrnusambands Rússa og fara yfir mín framtíðarplön en ég vil þjálfa í Englandi á ný," sagði Guus Hiddink sem var einnig við stjórnvölinn hjá PSV Eindhoven og Real Madrid á sínum tíma.