Elskar súkkulaði

Raunveruleikastjarnan Kim Kardashian, sem sumir vilja kalla hina nýju Paris Hilton, segist ekki ætla að hætta að borða uppáhaldið sitt, súkkulaði.

Kim náði nýverið nokkrum kílóum af sér með því að stunda líkamsrækt af miklum móð en hún segist ekki ætla að láta súkkulaðið í friði.

„Þetta þýðir einfaldlega að ég verð að æfa meira í ræktinni," segir Kardashian.

„Þetta er nefnilega málið; þú getur borðað það sem þú vilt ef þú ert bara nógu dugleg að stunda æfingar," bætir Kardashian við og upplýsir að hún hafi sig alltaf sérstaklega til fyrir líkamsræktina. „Þér verður að líða vel í þeim fötum sem þú klæðist."