Sophia Hansen þarf að borga 19 milljónir auk vaxta

Hæstiréttur staðfesti í dag dóm Héraðsdóms Reykjavíkur um að Sophia Hansen greiði Sigurði Pétri Harðarsyni rúmar 19 milljónir auk vaxta, sem hún fékk að láni hjá honum.

Sophia var nýverið dæmd í sex mánaða fangelsi, skilorðsbundið til þriggja ára, fyrir að bera rangar sakir á Sigurð Pétur. Þau deildu um undirskrift á þremur viðskiptabréfum sem Sophia taldi nafn sitt falsað á. Fól hún lögfræðingi sínum að kæra málið til lögreglu árið 2007.

Í vitnaskýrslu hjá lögreglunni lýsti hún því yfir að hana grunaði að Sigurður Pétur hefði falsað nafnið hennar sem leiddi til þess að hann var ranglega sakaður um skjalafals. Sigurður Pétur var hinsvegar hreinsaður í héraðsdómi sökum þar sem rannsókna sænskra rithandasérfræðinga leiddi í ljós að sennilega skrifaði Sophia sjálf undir viðskiptabréfin.