Ferðamönnum meinaður aðgangur að hasskaffihúsum

Yves Bot ríkissaksóknari Hollands segir að Hollendingar geti vel meinað útlendingum aðgangi að hasskaffihúsum sínum.

Tilmæli ríkissaksóknarans eru leiðbeindandi en þau verða notuð sem grunnur í máli sem stefnt hefur verið fyrir Evrópudómstólinn.

Í umfjöllun um málið í Politiken segir að Hollendingar eigi oft í stökustu vandræðum með þá ferðamenn sem sækja hasskaffihúsin í leit að vímugjöfum eins og kannabisefnum og sveppum. Ferðamennirnir reykja sig skakka og eru oft til mikilla vandræða á götum úti í framhaldi af því.

Því ákvað borgarstjórnin í Maastricht að banna komur erlendra ferðamanna á hasskaffihús borgarinnar. Eftir að lögreglan lokaði einu af hasskaffihúsum Maastricht þar sem erlendir ferðamenn voru til staðar fór eigandi hússins í mál við borgaryfirvöld og byggði málsókn sína á jafnfræðisreglu Evrópusamabandsins.

Málið fór alla leið til ríkisráðs Hollands sem ákvað að vísa því til Evrópudómstólsins.