Margrét Lind sigraði á Seltjarnarnesi

Margrét Lind Ólafsdóttir, upplýsinga- og kynningarfulltrúi, sigraði í forvali Samfylkingarinnar sem fór fram á Seltjarnarnesi í dag. Samfylkingin býður fram í fyrsta sinn undir fána í bæjarfélaginu í vor.

Tæplega hundrað greiddu atkvæði sem er rúmlega helmingur skráðra félagsmanna flokksins á Seltjarnarnesi, samkvæmt tilkynningu frá kjörstjórn.

1. sæti Margrét Lind Ólafsdóttir með helming atkvæða í það sæti.

2. sæti Sigurþóra Bergsdóttir, deildarstjóri og meistaranemi, með um 80% atkvæða í 1. og 2. sæti.

3. sæti Jón Magnús Kristjánsson, læknir, með 70% atkvæða í 1.-3. sæti.

Kosningin er bindandi fyrir fyrstu tvö sætin.