Verst málssókn Gunnars

Gunnar Birgisson, fyrrverandi bæjarstjóri í Kópavogi, krefst einnar milljónar króna í skaðabætur vegna ummæla flokksbróður hans Þórarins Hjartar Ævarssonar, í Morgunblaðsgrein síðasta sumar. Málið var þingfest í Héraðsdómi Reykjaness í morgun.

Greinina skrifaði Þórarinn á þeim tíma sem umræðan um Lífeyrissjóð starfsmanna Kópavogsbæjar og verktakasamning Kópavogsbæjar við dóttur Gunnars hafi staðið sem hæst. Í greininni skoraði Þórarinn meðal annars á Gunnar að segja af sér embætti.

Þórarinn segir í samtali við Vísi að Gunnar krefjist einnar milljónar í skaðabætur. Þá vilji hann fá greiddan málskostnað og birtingu á dómnum. Þórarinn segist sjálfur hvergi ætla að gefa sig í málinu. „Ég ætla að verjast af hörku og vvinna þetta mál," segir Þórarinn í samtali við Vísi.