BYR styrkir námsmenn

Fyrri úthlutun skólastyrkja Byrs sparisjóðs á þessu ári fór fram í gær og fengu tveir háskólanemar 200.000 króna styrki hvor og fjórir framhaldsskólanemar 25.000 króna styrki. Allir námsmenn hjá Byr geta sótt um skólastyrki, sem eru veittir tvisvar á ári, en í þetta sinn bárust hátt í 300 umsóknir.

Styrkþegarnir á háskólastigi að þessu sinni eru þau Smári Guðfinnsson, nemandi í véla og orkutæknifræði í HR og Erla Margrét Gunnarsdóttir, sem stundar mastersnám í borgarskipulagi í Frankfurt í Þýskalandi.

Styrkþegarnir á framhaldsskólastigi eru Helgi Guðmundsson, málaranemi við Tækniskólann, Hinrik Grétarsson, rafvirkjanemi við Iðnskólann Hafnarfirði, Sigríður Edda Steinþórsdóttir, á félagsfræðibraut við MS og Hildur Eva Ásmundardóttir á náttúrfræðibraut Fjölbrautarskólans í Garðabæ.