Fátækt eykst í Evrópu

Samkvæmt nýrri skoðanakönnun Framkvæmdastjórnar Evrópusambandsins segjast einn af hverjum sex íbúum sambandsins eiga í erfiðleikum með að láta enda ná saman um hver mánaðarmót.

Könnunin bendir til að fátækt fari vaxandi innan Evrópusambandsins vegna niðurskurðar og sparnaðaraðgerða í kjölfar fjármálakreppunnar.

Ekki kemur á óvart að Grikkir telja sig einna verst setta en 85% Grikkja segja að fátækt hafi aukist í landinu. Aðrar þjóðir þar sem hátt hlutfall íbúa segir að fátækt sé að aukast eru Ítalir, Búlgarar, Rúmenar og Frakkar.

Aðeins Lettar, Litháar og Ungverjar telja að ástandið muni batna í náinni framtíð.