Tveir handteknir vegna hnífsstungu við Þórðarsveig

Tveir voru handteknir vegna hnífsstungu í Þórðarsveig í Grafarholti í dag. Maðurinn sem var stunginn hlaut sár á hendi, samkvæmt upplýsingum frá lögreglunni á höfuðborgarsvæðinu. Hann var sendur á slysadeild þar sem gert var að sárum hans. Mennirnir sem handteknir voru eru núna í haldi lögreglunnar og verða yfirheyrðir.

Íbúi í húsinu þar sem árásin varð segir að honum og konu hans hafi verið mjög brugðið vegna árásarinnar. „Jú eiginlega, við erum bara eiginlega að leita að íbúð og fara. Þetta er búið að fara versnandi í þessari blokk. Það er alltaf verra og verra fólk að flytja inn," segir maðurinn, sem ekki vill láta nafns síns getið.