Fínt færi fyrir norðan

Opið er á skíðasvæðunum fyrir Norðan þrátt fyrir að allt sé bráðnað í Bláfjöllum. Í Hlíðarfjalli er opið til klukkan sjö í kvöld og þar er rúmlega 10 gráðu frost, vindur er 4 - 5 metrar á sekúndu og dálítil snjókoma.

Skíðasvæðið í Tindastól í Skagafirði opnaði klukkan eitt og verður opið til klukkan sjö. Þar er nýfallinn snjór og frábært færi. Það hefur snjóað síðustu sólahringa þannig að færið er gott. „Horfur fyrir Páskana eru nokkuð góðar og upplagt að fara að gera ráðstafanir í ferðalögum," segja forsvarsmenn svæðisins.