Íbúafundur í Ólafsvík

Verkalýðsfélag Snæfelllinga og Snæfellsbær boða í sameiningu til almenns íbúafundar í Klifi í Ólafsvík í kvöld til að ræða þá alvarlegu stöðu, sem upp er komin í atvinnumálum í sveitarfélaginu.

Þar er kvóti flestra útgerðarfyrirtækja að verða búinn, en fimm mánuðir eru eftir af fiskveiðiárinu, að nýjum veiðiheimildum verður úthlutað. Öllum þingmönnum í Norðvesturkjördæmi hefur verið boðið á fundinn og er þess vænst að þeir sitji fyrir svörum.

Eins og fréttastofan greindi nýverið frá, er þegar búið að binda nokkra báta við bryggjur vegna kvótaleysis og aðrir hafa dregið stórlega úr sókn, til að tryggja hráefni eitthvað fram á vorið.