Innlent

Jarmusch í Háskólanum - brunar síðan á Bessastaði

Jim brunar upp á Bessastaði eftir spjallið í Háskólanum.
Jim brunar upp á Bessastaði eftir spjallið í Háskólanum.

Heiðursgestur Alþjóðlegu kvikmyndahátíðarinnar í Reykjavík, bandaríski kvikmyndagerðarmaðurinn Jim Jarmusch, spjallar um heima og geima í hátíðarsal í Aðalbyggingu Háskóla Íslands í dag klukkan 15. Aðgangur er ókeypis og allir velkomnir á meðan húsrúm leyfir.

Leikstjórinn Dagur Kári er mikill aðdáandi Jarmusch og stýrir hann umræðunum ásamt gagnrýnandanum Harlan Jacobsson.

Í beinu framhaldi af því verður Jarmusch keyrður í hvelli á Bessastaði. Þar afhendir herra Ólafur Ragnar Grímsson forseti honum heiðursverðlaun RIFF fyrir framúrskarandi listræna sýn við hátíðlega athöfn í forsetabústaðinum.

Það er af nógu öðru að taka á RIFF í dag. Tjarnarbíó opnar aftur eftir rosalegar endurbætur til rúmlega tveggja ára og segja þeir sem til þekkja að húsið sé eins og nýtt. Um helgina gefst gestum RIFF færi á að skoða Tjarnarbíó ásamt því að sjá kvikmyndir hátíðarinnar, sem lýkur næstkomandi sunnudag. Frekari upplýsingar má finna á heimasíðu hátíðarinnar, riff.is.

Mest lesið


Fleiri fréttir

Sjá meira


×

Mest lesið