Innlent

Grýtti eggjum í Landsbankann

Jón Hákon Halldórsson skrifar
Konan grýtti eggjum í Landsbankann. Mynd/ GRV.
Konan grýtti eggjum í Landsbankann. Mynd/ GRV.
Mótmælandi tók að grýta eggjum í Landsbankann í Austurstræti eftir að þingsetningu Alþingis lauk í dag. Konan fór inn í bankann til þess að mótmæla viðskiptaháttum hans. Lögreglumenn vísuðu konunni þá út og eftir það stóð hún fyrir utan og ákvað að henda eggjum í húsnæði bankans.

Segja má að dagurinn í dag sé dagur gríðarlegra mótmæla. Talið er að allt að 1000 manns hafi komið saman fyrir framan Alþingi við þingsetningu í dag. Eggjum var grýtt í þingmenn og rúða í Dómkirkjunni brotin.




Tengdar fréttir

Hrópa að Alþingi: „Út með ruslið!“

Á annað þúsund manns eru við mótmælastöðu fyrir utan Alþingi þar sem þingfundur var settur fyrir stundu. Mótmælin fara að mestu friðsamlega fram.

Rúða brotin í Dómkirkjunni - lögreglan með kylfur

Mótmælendur hafa brotið rúðu í Dómkirkjunni í Reykjavík. Alþingismenn komu saman til guðsþjónustu þar klukkan hálftvö eins og venja er þegar Alþingi er sett. Talið er að á bilinu 500 - 1000 manns séu samankomnir á Austurvelli til að mótmæla. Lögreglan er með kylfur á lofti og öllu viðbúnir.

Alþingi sett í dag

Alþingi verður sett með guðsþjónustu í Dómkirkjunni klukkan hálftvö í dag. Forseti Íslands, biskupinn yfir Íslandi, forseti Alþingis, ráðherrar og flestir alþingismenn ganga fylktu liði til kirkjunnar úr Alþingishúsinu þegar klukkan er 25 mínútur gengin í tvö.

Bein útsending frá Austurvelli

Á Vísi verður bein útsending frá Austurvelli í dag þegar Alþingi verður sett. Þingmenn ganga frá þinghúsinu og yfir í Dómkirkjuna í Reykjavík þar sem fram fer Guðsþjónusta. Síðan ganga þeir aftur frá kirkjunni og yfir í í Alþingishúsið þar sem Alþingi verður sett.

Mest lesið


Fleiri fréttir

Sjá meira


×

Mest lesið