Rúða brotin í Dómkirkjunni - lögreglan með kylfur

Mótmælendur hafa brotið rúðu í Dómkirkjunni í Reykjavík. Alþingismenn komu saman til guðsþjónustu þar klukkan hálftvö eins og venja er þegar Alþingi er sett. Talið er að á bilinu 500 - 1000 manns séu samankomnir á Austurvelli til að mótmæla. Lögreglumenn eru með kylfur á lofti og við öllu viðbúnir.

Eggjum var kastað í þingmenn þegar að þeir gengu til guðsþjónustunnar. Eftir því sem Vísir kemst næst var Sigurður Kári Kristjánsson, þingmaður Sjálfstæðisflokksins, einn þeirra sem fékk egg á sig. Fjöldi mótmælenda er með mótmælaskilti meðferðis. Þar stendur á einu þeirra. „Árni Páll snautaðu heim".

Vísir er með beina útsendingu frá mótmælunum sem hægt er að sjá hér. Mögulega þarf að bíða aðeins áður en tenging næst.