Frosin hindber innkölluð vegna gruns um nóróvírus

Aðföng hafa ákveðið að innkalla Euro Shopper hindber í 500 gramma pokum. Ákvörðun um þetta var tekin eftir að nóróvírus greindist í vörunni í Svíþjóð. Varan var í dreifingu í verslunum Bónus, Hagkaupa og 10-11 og hefur verið tekin úr sölu.

Neytendur sem kunna að eiga vöruna til eru beðnir um að hafa samband við Aðföng í síma 530-5645 eða í gegnum netfangið gaedastjori@adfong.is. Einnig má skila vörunni í verslunina þar sem hún var keypt gegn fullri endurgreiðslu.

Nóróvírus getur framkallað uppköst og niðurgang en vert er að taka fram að hann fjölgar sér ekki í matvælum.