Vöxtur hlaupinn í Krossá

Vöxtur er hlaupinn í Krossá í Þórsmörk, en hún á upptök í Eyjafjallajökli og undan Fimmvörðuhálsi.

Þetta er rakið til eldgossins og kann áin að verða óær þegar líður á daginn.

Annars varð Öflug gufusprenging í eldstöðinni laust upp úr klukkan sjö í morgun og þeytti upp miklum bólstra af gufu og gjósku  sem fór upp í átta kílómetar hæð.

Nokkrar sprengingar hafa orðið síðan, og undanfarna klukkusstund hefur virkni  í jörðu  farið vaxandi á ný.

Almannavarnir komu saman til fundar klukkan níu til að meta stöðuna og hvort fjölskyldur af 14 bæjum, sem urðu að gista annarsstaðar, fái að snúa til síns heima. Fundurinnn stendur enn.