Réttað yfir hnífsstungumönnum

Aðalmeðferð fór fram í máli gegn fjórum litháískum karlmönnum sem eru grunaðir um að hafa ráðist að manni með hnífi á Spítalastíg aðfararnótt sunnudagsins 4. október siðastliðins.

Mennirnir komust undan lögreglu en voru handsamaðir daginn eftir. Tveir þeirra voru í farbanni vegna meints greiðslukortasvindls þegar þeir voru handteknir.

Þeir voru handteknir fyrir greiðslukortasvindlið um miðjan september. Þá höfðu þeir gert innkaup og notað til þess greiðslukort erlendra korthafa.

Ekki tókst að ljúka aðalmeðferð í dag þar sem að vitnin í málinu mættu ekki öll. Aðalmeðferð verður haldið áfram þann 26. febrúar.