Gylfi Þór Sigurðsson meiddist á rist í gær þegar Reading sló Liverpool út úr ensku bikarkeppninni. Þegar Gylfi vaknaði í morgun átti hann erfitt með að stíga í fótinn en eftir læknisskoðun kom í ljós að hann er óbrotinn.
Reading á erfiðan leik fyrir höndum á laugardag þegar liðið mætir Nottingham Forest sem er í 2. sæti deildarinnar. Gylfi sagði í samtali við Vísi að það væri óvíst að hann gæti spilað á laugardag. Gylfi framlengdi nýlega samning sinn við Reading og er samningsbundinn félaginu í 3 og hálft ár.
