Samdi við Paris Hilton og Jóhönnu Guðrúnu - myndir

„Gyðja var kynnt fyrir stílistanum hennar Parisar Hilton," segir Sigrún Lilja Guðjónsdóttir framkvæmdastjóri Gyðju aðspurð hvernig samstarf hennar og Parisar Hilton hafi komið til og heldur áfram:

„Sem bar þetta svo undir hana sjálfa. Þeim leist báðum mjög vel á og í kjölfarið valdi hún sér nokkrar týpur úr línunni."

„Línan var sérstaklega hugsuð fyrir hana til að klæðast í raunveruleikaþættinum sínum My Bff."

„Þátturinn var tekinn upp í Dubai en sú sería væntanleg í loftið á MTV á næstunni."

„Þetta gerðist allt saman mjög hratt og þurfti m.a. að láta sérframleiða á hana með hraði þar sem línan var ekki tilbúin úr framleiðslu. Svo fékk hún þetta sent upp á hótel til sín þar sem hún dvaldist í Dubai á meðan á tökum á þættinum stóð."

„Stílistinn hennar lét okkur svo vita að hún hafi verið í vörum frá Gyðju í einum af síðustu þáttunum í seríunni."

„En svo veit maður aldrei hvernig þættirnir verða klipptir þannig að það þýðir ekkert annað en að vona að Gyðju skórnir og töskur sjáist í þáttunum þegar þetta verður sýnt."

„Stílistinn sagði okkur líka að Paris hafi orðið svo hrifin af Gyðju að hún hafi ákveðið að fara með vörurnar heim til að geyma í sínum einkafataskáp til að eiga möguleika á því að nota vörurnar þegar henni hentar."

„En mér var síðar sagt að það gerist víst ekki oft þannig að það var virkilega ánægjulegt að fá svona jákvæð viðbrögð frá henni."

„Hún kom fram í fyrsta skipti í skóm frá Gyðju núna á laugardaginn í forkeppni Eurovision og tók sig einstaklega vel út."

„Hún var eins og sannkölluð gyðja og er ég mjög stolt af því að eins glæsileg stúlka og hún Jóhanna veki athygli á hönnuninni," segir Sigrún.-elly@365.is