Everton ekki búið að gefa upp vonina um nýjan leikvang

Forráðamenn Everton hafa átt jákvæðar viðræður við borgarstjórn Liverpool um nýjan leikvang félagsins innan borgarmarkanna. Tillögu Everton um nýjan völl við Kirby var hafnað á síðasta ári en nú er komið annað hljóð í viðræðurnar.

Everton ætlaði að byggja 50 þúsund manna leikvang í samvinnu Tesco en framkvæmdirnar áttu að kosta um 400 milljónir punda. Borgarstjórn Liverpool var á móti þeim plönum en hefur nú opnað fyrir möguleikann að byggja nýja völlinn annarsstaðar í borginni.

„Jákvæður fundur fór fram á milli Everton FC og borgarstjórnar Liverpool-borgar um framtíðarleikvang Everton innan borgarmarkanna. Frekari viðræður hafa verið skipulagðar í næstu framtíð," kom fram í sameiginlegri yfirlýsingu.

Everton spilar nú heimaleiki sína á Goodison Park sem tekur 40.157 manns í sæti. Líkt og nágrannar þeirra í Liverpool hafa þeir verið ólmir að komast á nýrri og stærri völl til að halda í við stærstu félögin í ensku úrvalsdeildinni.