Innlent

Segir Gylfa hafa logið

Margrét Tryggvadóttir, þingmaður Hreyfingarinnar.
Margrét Tryggvadóttir, þingmaður Hreyfingarinnar. Mynd/Vilhelm Gunnarsson
„Þetta eru ekki nægjanlegar skýringar og við sjáum okkur ekki annað fært en að bera fram vantrauststillögu á Gylfa. Þegar farið er yfir það hvað hann sagði og hvenær þá sést að hann var ekki að segja satt," segir Margrét Tryggvadóttir, þingmaður Hreyfingarinnar.

Gylfi Magnússon, efnahags- og viðskiptaráðherra, hefur legið undir miklu ámæli eftir að upplýst var að lögfræðiálit frá Lex lögmannsstofu um gengistryggð lán hafi verið sent úr Seðlabanka Íslands í viðskiptaráðuneytið fyrir ári síðan.

Gylfi segist í samtali við Fréttablaðið í dag ekki ætla að segja af sér vegna svars sem hann gaf Alþingi um lögmæti lánanna. Hann segir tilgang sinn ekki hafa verið að blekkja þingheim og biðst velvirðingar ef einhver hafi misskilið svar hans fyrir þinginu og talið hann vera að ræða almennt um myntkörfulán. Gylfi segir að ágreiningur um lögmæti gengislánanna hafi ekki verið neitt ríkisleyndarmál, og hann hafi sjálfur rætt þessi mál opinberlega um svipað leyti.

Margrét gefur lítið fyrir skýringar og svör Gylfa. Hún nefnir sem dæmi að Gylfi hafi fyrir skömmu sagt að lögfræðingur viðskiptaráðuneytisins hafi ekki mátt deila umræddu lögfræðiáliti og af þeim sökum hafi hann ekki séð gögnin. Nú segi Gylfi aftur á móti að engin hafi leynt neinu fyrir honum.


Tengdar fréttir

Ræddu gagnrýni á Gylfa

Gylfi Magnússon efnahags- og viðskiptaráðherra og Jóhanna Sigurðardóttir forsætisráðherra ræddu saman í síma í kvöld um þá gagnrýni sem beinst

Traust Jóhönnu til Gylfa skilyrðum háð

Forsætisráðherra ber enn traust til viðskiptaráðherra, en traust hennar er því skilyrði háð að hann geti gefið greinargóðar skýringar á ásökunum sem settar hafa verið fram á hendur honum. Þingmenn Hreyfingarinnar ætla að leggja fram vantrauststillögu á hendur viðskiptaráðherra ef hann segir ekki af sér.

Stjórnmálafræðingur: Gylfi vandræðalega tvísaga

Grétar Þór Eyþórsson, stjórnmálafræðingur segir, stöðu Gylfa Magnússonar, efnahags- og viðskiptaráðherra, vera erfiða. Ráðherrann virðist vera „vandræðalega tvísaga", þótt auðvitað megi líta til aðstæðna á þeim tíma, sumarið 2009, til skýringar á athöfnum hans, en þá var meðal annars verið að fjalla um uppgjör gömlu bankanna.

Gylfi Magnússon: Afsögn ekki rædd

„Það er ekki minn skilningur heldur þvert á móti að starfsmenn ráðuneytisins hafi haldið frá mér upplýsingum eða blekkt mig. Ég var fyllilega upplýstur um það sem átti að upplýsa mig um," segir Gylfi Magnússon, efnahags- og viðskiptaráðherra, sem ræddi við Fréttablaðið í gærkvöld.

Gylfi brunar í bæinn

Gylfi Magnússon, efnahags- og viðskiptaráðherra, er á leiðinni í bæinn en hann hefur verið í sumarleyfi undanfarna daga og utan símasambands.

Skora á Gylfa að segja af sér

Þingmenn Hreyfingarinnar skora á Gylfa Magnússon, efnahags- og viðskiptaráðherra, að segja af sér.

Gylfi situr áfram í embætti

Gylfi Magnússon viðskiptaráðherra mun sitja áfram í embætti, segir Benedikt Stefánsson, aðstoðarmaður hans, í samtali við Vísi.

Hefði átt að vita meira um málaflokkinn

Birgir Hermannsson stjórnmálafræðingur minnir á að ráðherra beri pólitíska ábyrgð á sínum málaflokki og því sem embættismenn undir honum vinna að. „Ef eitthvað fer úrskeiðis þá ber ráðherra ábyrgð gagnvart þinginu og verður að svara fyrir það,“ segir Birgir og nefnir sem dæmi að ef forveri Gylfa, Björgvin G. Sigurðsson, segðist ekki hafa vitað neitt í aðdraganda bankahrunsins, þá væri það engin afsökun.

Mest lesið


Fleiri fréttir

Sjá meira


×

Mest lesið