Stálust á Heljarkamb

Björgunarsveitarmenn á Morinsheiðinni þurftu að stöðva um tíu ferðamenn sem stálust yfir Heljarkambinn sem er rétt fyrir neðan eldgosið í Eyjafjallajökli.

Að sögn Svans Lárussonar, formanns Flugbjörgunarsveitar Hellu, þá virðast ferðalangarnir hafa farið á undan björgunarsveitarmönnunum sem eru að koma fyrir búðum á Morinsheiðinni.

Ferðamennirnir fóru því nærri gosinu en leyfilegt er. Almannavarnanefnd gaf út þau tilmæli í dag að ferðamönnum væri ekki óhætt að vera nær gosinu en í kílómetra radíus.

Ekki er vitað hvort ferðamennirnir hafi verið íslenskir eða af öðru þjóðerni. Nokkuð hefur verið um ferðmenn á svæðinu en ekkert í líkingu við það sem hefur verið undanfarna daga.

Gosið er hinsvegar stöðugt.