Innlent

Skýrslan ekki dauðadómur yfir Samfylkingunni

Sigríður Ingibjörg Ingadóttir.
Sigríður Ingibjörg Ingadóttir.
„Mér finnst þessi skýrsla sýna styrkleika flokksins sem er tilbúinn til að fara með opinskáum hætti yfir þennan vanda sem flokkurinn hefur verið að takast á við," segir Sigríður Ingibjörg Ingadóttir, þingmaður Samfylkingarinnar. Skýrsla umbótanefndar flokksins sé ekki dauðadómur yfir honum.

Flokksstjórn Samfylkingarinnar fundaði í gær um skýrslu umbótanefndar flokksins en nefndinni var gert að fara yfir starfshætti og ábyrgð Samfylkingarinnar í aðdraganda bankahrunsins. Nefndin gagnrýnir flokksforystuna harðlega og segir að hún sé engum tengslum við grasrót flokksins. Varaformaður Samfylkingarinnar sagði í samtali við fréttastofu í dag að skýrslan væri áfellisdómur yfir starfsháttum flokksins.

Sigríður var gestur í þætti Sigurjóns M. Egilssonar á Bylgjunni fyrr í dag. Sigurjón spurði hana út í skýrslu umbótanefndarinnar og hvort niðurstaðan væri ekki dauðadómur yfir Samfylkingunni. Sigríður sagði að í skýrslunni væri vissulega fast kveðið að orði. Eftir rannsóknarskýrslu Alþingis væri ljóst að stundum þurfi að segja hlutina eins og þeir væri.

„Um hvað er rætt í dag? Að stjórnarmálaflokkarnir njóti ekki traust. Að Alþingi njóti ekki trausts. Hvernig byggir þú upp það traust? Með því að búa til skýrslu sem talar ekki um hlutina eins og þeir eru? Nei," sagði Sigríður.




Tengdar fréttir

„Við vorum ekki fórnarlömb óheillaþróunar“

Andvaraleysi og afneitun einkenndi afstöðu Samfylkingarinnar í ríkisstjórnarsamstarfinu með sjálfstæðismönnum að mati umbótanefndar flokksins. Samfylkingin bað íslensku þjóðina afsökunar í dag á mistökum sem flokkurinn gerði í aðdraganda hrunsins.

Tillaga um afsökunarbeiðni samþykkt

Flokksstjórn Samfylkingarinnar samþykkti á fundi sínum í dag ályktun þar sem Samfylkingin biður íslensku þjóðina afsökunar á þeim mistökum sem hún ber ábyrgð á í aðdraganda hrunsins. Jafnframt heitir Samfylkingin því að hlusta með opnum hug á gagnrýni og takast á við umbætur á skipulagi, starfsháttum og stefnu flokksins til að koma í veg fyrir að sambærileg mistök endurtaki sig.

Ingibjörg Sólrún á meðal fundarmanna

Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar, var meðal fundargesta á flokksstjórnarfundi Samfylkingarinnar sem fer fram á Hótel Loftleiðum í dag. Megin umfjöllunarefni fundarins eru tillögur umbótanefndar flokksins en nefndin var skipuð í aprílmánuði til að fara yfir starfshætti og ábyrgð Samfylkingarinnar í aðdraganda bankahrunsins. Ingibjörg tók ekki til máls á fundinum en hún hefur nú yfirgefið samkunduna.

Stjórnarþátttakan afhjúpar veikleika flokksins

Umbótanefnd Samfylkingarinnar kemst að þeirri megin niðurstöðu í skýrslu sem lögð er fyrir flokksstjórn í dag að bankahrunið og ríkisstjórnarþátttaka flokksins afhjúpi veikleika í flokksstarfinu. Varaformaður flokksins segir að ábyrgðin á bankahruninu megi ekki einskorðast við þá einstaklinga sem stóðu í eldlínunni á tíma hrunsins.

Samfylkingin biðji þjóðina afsökunar

Samfylkingin biður þjóðina afsökunar á þeim mistökum sem hún beri ábyrgð á í aðdraganda hrunsins. Jafnfram heitir flokkurinn því að hlusta með opnum huga á gagnrýni og takast á við umbætur á skipulagi, starfsháttum og stefnu flokksins til að koma í veg fyrir að sambærileg mistök endurtaki sig. Þetta kemur fram í ályktun sem liggur fyrir flokksstjórnarfundi Samfylkingarinnar sem fram fer á hótel Loftleiðum í dag og verður væntanlega samþykkt síðdegis.

Stjórnmálaflokkum verði bannað að auglýsa í sjónvarpi

Samfylkingin hefur brennt sig illa á því að sækjast eftir og þiggja fé af einstökum fyrirtækjum og fjársterkum hagsmunaaðilum. Það er ljóst að flokkurinn hefur gert afdrifarík og alvarleg mistök með því að láta viðgangast að frambjóðendur öfluðu fjár frá fyrirtækjum, og jafnvel hvetja til þess. Þetta er meðal þess sem fram kemur í skýrslu umbótanefndar Samfylkingarinnar og lögð var fyrir flokksstjórn Samfylkingarinnar fyrr í dag. Nefndin leggur til að flokkurinn beiti sér fyrir því að sjónvarps- og útvarpsauglýsingar stjórnmálaflokka verði bannaðar í aðdraganda kosninga.

Ráðherrar sagðir í engum tengslum við flokkinn

„Starf ráðherra er í litlum eða engum tengslum við flokkinn. Ráðherrar Samfylkingarinnar hafa engar skyldur um að standa skil á embættisfærslum sínum gagnvart eigin félögum og flokksmenn hafa engar formlegar leiðir til að koma sjónarmiðum sínum á framfæri við ráðherra flokksins,“ segir í skýrslu umbótanefndar Samfylkingarinnar sem lögð var fyrir flokksstjórn flokksins í hádeginu.

Mest lesið


Fleiri fréttir

Sjá meira


×

Mest lesið