Eldur í bíl og ekið á vélhjólamann

Mikill erill hefur verið hjá slökkviliði og sjúkraflutningamönnum í dag. Slökkviliðið var meðal annars kallað upp í Grafarvog í dag vegna elds í vélarhúddi bíls. Um minniháttar atvik var að ræða.

Þá var allt tiltækt slökkvilið kallað að Hátúni síðdegis en í fyrstu var talið að eldur hefði læst sig í þaki blokkar. Í ljós kom að eldurinn var í ruslageymslu fjölbýlishúss og greiðlega gekk að slökkva eldinn.

Sjúkraflutningamenn voru kallaðir út vegna tveggja umferðaslysa. Annars vegar var ekið aftan á bifreið og þurfti að flytja farþega á spítala vegna þessa. Þá var ekið á vélhjólamann á Reykjanesbrautinni en hann slapp furðu vel og afþakkaði að láta að flytja sig á spítala.