Ármann leiðir sjálfstæðismenn í Kópavogi

Ármann Kr. Ólafsson sigraði prófkjör sjálfstæðismanna í Kópavogi sem fram fór í gær vegna sveitarstjórnarkosninganna í vor. Hann hlaut 1677 atkvæði í 1. sæti eða 52,5% greiddra atkvæða. Hildur Dungal hreppti annað sætið, en Gunnar Birgisson fyrrverandi bæjarstjóri hafnaði í því þriðja.

Alls kusu 3.337 en 5.998 voru á kjörskrá sem þýðir 56% kjörsókn. Gild atkvæði voru 3.197, en 140 atkvæði voru auð eða ógild.

Röð efstu 7 var sem hér segir.

Ármann Kr. Ólafsson með 1.677 atkvæði í 1. sæti (52,5%)

Hildur Dungal með 1.668 atkvæði í 1.-2. sæti (52,2%)

Gunnar I. Birgisson með 1.366 atkvæði í 1.-3. sæti (42,7%)

Margrét Björnsdóttir með 1.329 atkvæði í 1.-4. sæti (41,6%)

Aðalsteinn Jónsson með 1.468 atkvæði í 1.-5. sæti (45,9%)

Karen E. Halldórsdóttir með 1.625 atkvæði í 1.-6. sæti (50,8%)

Árni Bragason með 2.015 atkvæði í 1.-7. sæti (63,0%)

Aðrir frambjóðendur fengu færri atkvæði.