Þarf að borga þrjár milljónir vegna ærumeiðandi ummæla

Héraðsdómur Vesturlands dæmdi í dag Guðríði Haraldsdóttur, ritstjóra Vikunnar, fyrir ærumeiðandi ummæli og brot gegn friðhelgi einkalífs gagnvart feðginum í umfjöllun blaðsins í júlí í síðasta ári. Þá var stúlkan 13 ára gömul. Guðríði var gert að greiða alls 2,8 milljónir auk vaxta og dráttarvaxta.

Í umræddu tölublaði Vikunnar var fjallað um fjölskylduhagi stúlkunnar, skilnað foreldra hennar og samskipti föður við móðurfjölskylduna. Einnig var fjallað um atlæti hennar hjá föður sínum, samskipti þeirra feðgina og um ættleiðingu nýverandi eiginkonu föður stúlkunnar. Lögmaður stúlkunnar taldi að með umfjöllun sinni hafi Vikan vegið gróflega að æru stúlkunnar með því að líkja henni og högum hennar á heimili sínu við Öskubusku. Það sama átt við um fullyrðingar um að hún hefði ítrekað hugleitt sjálfsvíg, fyrst átta ára ára að aldri, og með myndbirtingum af henni.

Fimm af sjö ummælum voru dæmd dauð og ómerk í máli stúlkunnar. Ritstjóra Vikunnar var gert að greiða henni 1,1 milljón í bætur auk vaxta og 400 þúsund í málskostnað. Þá var ritstjórinn einnig dæmdur til að greiða föður stúlkunnar 900 þúsund í bætur auk vaxta vegna umfjöllunarinnar og 400 þúsund í málskostnað. Föðurinn fór fram á að níu ummæli yrðu dæmt dauð og ómerk en héraðsdómur dæmdi sex þeirra dauð og ómerk.