Innlent

Björgunarsveitin kölluð út vegna Officeraklúbbsins

Mynd úr safni.
Mynd úr safni.

Björgunarsveitin Suðurnes verið kölluð út vegna foks við Officeraklúbbinn á vallarsvæðinu í Keflavík. Þar hefur allnokkurt tjón orðið á þaki hússins.

Björgunarfélag Vestmannaeyja var kallað út fyrr í dag en þar var afar vont veður, vindur um 33 m/s og mikil rigning samkvæmt tilkynningu frá Landsbjörg.

Sinnti björgunarfélagið nokkrum aðstoðarbeiðnum sem flestar voru minniháttar.

Björgunarsveitin Þorbjörn í Grindavík hefur einnig verið kölluð út vegna foks í bænum. Sveitin mun ljúka þeim viðvikum er fyrir liggja og fara svo könnunarferð um bæinn.

Þá hafa verið kallaðar út björgunarsveitir á Suðurnesjum, Grindavík, Hafnarfirði, Hellu og Patreksfirði.


Tengdar fréttir

Herjólfur þurfti aðstoð í aftakaveðri - myndir

Herjólfur kom til Vestmannaeyja klukkutíma of seint í dag en vindhraði var svo mikill að kalla þurfti lóðsinn til aðstoðar. Herjólfur átti í mestu vandræðum með að leggjast að bryggju en samkvæmt fréttaritara fréttastofunnar, Gísla Óskarssyni, var vindurinn slíkur að lóðsinn þurfti til þess að leggja Herjólfi.

Mest lesið


Fleiri fréttir

Sjá meira


×

Mest lesið