Dæmdur fyrir að stela rotþró og falsa kvittun

Tæplega fertugur karlmaður frá Selfossi var dæmdur í morgun í Héraðsdómi Suðurlands fyrir að stela rotþró frá sumarbústaði í Grímsnesi og falsa kvittun úr Byko.

Maðurinn, sem starfaði sem verktaki, stal rotþrónni í apríl 2008. Um 2600 lítra rotþró var að ræða en hún var tveggja metra löng og 150 sentímetra há.

Maðurinn neitaði að hafa stolið þrónni og krafðist lögreglan því kvittunar fyrir henni. Lögreglan lagði hald á þróna á landi mannsins en smiður við sumarbústaðinn, þaðan sem þrónni var stolið, bar kennsl á hana hjá lögreglunni.

Hinn dæmdi sýndi kvittun fyrir þrónni en í ljós kom að hún var fölsuð.

Hann gaf þær skýringar að hann hefði verið undir slíkum þrýstingi að hálfu lögreglunnar um að hreinsa sig sök að hann hafi brugðið á það ráð að falsa kvittunina.

Þá voru til ljósmyndir af rotþrónni en hún var heldur óskýr. Engu að síður taldi dómurinn óyggjandi að þróin væri sú sama og stolið var frá sumarbústaðalandinu.