Mun fleiri á grásleppu í ár

Mun fleiri bátar sækja á grásleppuveiðar í ár en í fyrra. Alls er 161 bátur byrjaður á veiðum í ár en þeir voru 78 í fyrra á sama tíma, að því er kemur fram á vef smábátasjómanna.

Það sem af er vertíð hefur veiðin verið mjög misjöfn, allt frá því að menn hafi komið með nokkur kíló af hrognum eftir umvitjun upp í að fá tunnu í trossu, sem kallast vera mok. Samkvæmt tölum frá Fiskistofu hefur mestu verið landað á Bakkafirði, fimm­tán tonnum, fjórtán á Húsavík og þrettán tonnum hafði verið landað á Siglufirði á miðvikudag. - shá