Sophia Hansen áfrýjar skilorðsdómi

Sophia Hansen hefur áfrýjað dómi Héraðsdóms Reykjavíkur sem dæmdi hana sex mánaða fangelsi, skilorðsbundið til þriggja ára, fyrir að bera rangar sakir á Sigurð Pétur Harðarson. Dómur var felldur í héraði yfir Sophiu þann 12 febrúar síðastliðinn.

Þau Sophia og Sigurður Pétur deildu um undirskrift á þremur viðskiptabréfum sem Sophia taldi nafn sitt falsað á. Fól hún lögfræðingi sínum að kæra málið til lögreglu árið 2007.

Í vitnaskýrslu hjá lögreglunni lýsti hún því yfir að hana grunaði að Sigurður Pétur hefði falsað nafnið hennar sem leiddi til þess að hann var ranglega sakaður um skjalafals. Samtals nam upphæð viðskiptabréfanna rétt rúmum 42 milljónum króna.

Sigurður Pétur var hinsvegar hreinsaður sökum þar sem rannsókna sænskra rithandasérfræðinga leiddi í ljós að sennilega skrifaði Sophia sjálf undir viðskiptabréfin