Blix aðstoði við rannsóknina

Steinunn Valdís Óskarsdóttir vinnur nú að því að fá Hans Blix til landsins til skrafs og ráðagerða vegna rannsóknar á stuðningi Íslendinga við innrásina í Írak. Steinunn er fyrsti flutningsmaður þingsályktunartillögu um rannsóknina. Tillagan er enn í nefnd, en er væntanlega þaðan á næstunni. Þingmenn allra flokka nema Sjálfstæðisflokksins styðja hana.

Steinunn segir að það myndi bæta mjög við umræðuna fengist Blix hingað til landsins, en tekur fram að ekkert sé fast í hendi í þessum efnum. „Hann var fyrir sveitinni sem fór þangað niður eftir til að skoða málin og ég held að það sé fróðlegt að fá hans sjónarmið á því hvað var í gangi þarna.- kóp