Innlent

Póstatkvæði í forvali VG endurtalin

Sóley Tómasdóttir.
Sóley Tómasdóttir. Mynd/Stefán Karlsson

Að lokinni endurtalningu þeirra atkvæða sem greidd voru bréflega í forvali Vinstri grænna í Reykjavík 6. febrúar er ljóst að niðurstöður talningar eru þær sömu og á kjördag. Þetta kemur fram á vef VG. Viðstaddir endurtalningu voru umboðsmenn frambjóðenda, fulltrúar stjórnar VGR sem framkvæmdu talninguna, auk þess sem fulltrúi forvalsstjórnar mætti til að gera skil á kjörgögnunum.

„Því er unnt að staðfesta það sem þegar hefur komið fram að atkvæði sem greidd voru bréflega í forvalinu höfðu ekki áhrif á röðun í sex efstu sætin sem forvalið náði til," segir á vef Vinstri grænna.

Frambjóðendur í forvalinu fengu misvísandi upplýsingar um túlkun forvalsreglna frá kjörstjórn. Sumum þeirra var sagt að þeim væri leyfilegt að fara á milli með prentaða kjörseðla heim til fólks og koma þeim síðan til skila. Þetta kærði borgarfulltrúinn Þorleifur Gunnlaugsson til kjörstjórnar.

Í lok síðustu viku sagði kjörstjórnin, sem jafnframt átti að stilla upp á lista VG fyrir komandi kosningar, af sér vegna málsins.

Heildarniðurstöður endurtalningarinnar fyrir efstu frambjóðendur, með og án bréflegra atkvæða, er hægt að sjá hér.

Sóley Tómasdóttir hafnaði í fyrsta sæti í forvalinu, Þorleifur í öðru og Líf Magneudóttir í því þriðja.




Tengdar fréttir

Verið að leita sátta um forvalið hjá VG

Innan Vinstri grænna var í gær leitað sátta milli Þorleifs Gunnlaugssonar og ýmissa forystumanna í flokknum vegna nýlegs forvals flokksins í borginni.

Kosningin í samræmi við reglur

„Niðurstaðan er sú að þessi kosning hafi verið í samræmi við reglur. Úrslitin standa því óbreytt,“ segir Stefán Pálsson, formaður kjörnefndar VG í Reykjavík. Þorleifur Gunnlaugsson, borgarfulltrúi og frambjóðandi í prófkjöri VG fyrir sveitastjórnarkosningarnar, sem fram fóru í gær kærði

Sóley hreppti fyrsta sætið í forvali VG

Sóley Tómasdóttir borgarfulltrúi sigraði í forvali VG í Reykjavík sem fram fór í dag. 1062 atkvæði voru greidd í forvalinu og hlaut Sóley 439 atkvæði í fyrsta sæti. Í öðru sæti varð Þorleifur Gunnlaugsson borgarfulltrúi og í því þriðja hafnaði Líf Magneudóttir.

Segir að atkvæði fólks hafi verið sótt heim

„Ég frétti af því að það væru ákveðnir aðilar að bjóða upp á að fara heim til fólks með kjörseðil og láta það fylla hann út og koma með hann á kjörstað,“ segir Þorleifur Gunnlaugsson borgarfulltrúi.

Þorleifur: Ég hefði getað valið orð mín betur

Þorleifur Gunnlaugsson, borgarfulltrúi Vinstri grænna, segir að hann hafi getað val orð sín betur í atburðarásinni sem hófst í kjölfar forvals flokksins um síðustu helgi. Við hafi tekið tilfinningaþrungið ferli og ásakanir gengið á víxl.

Nauðsynlegt að breyta reglum hjá VG

Formaður kjörstjórnar Vinstri grænna segir nauðsynlegt að breyta kosningareglum flokksins í ljósi þeirrar kvörtunar sem barst eftir forval Vinstri grænna í Reykjavík um síðustu helgi.

Mest lesið


Fleiri fréttir

Sjá meira


×

Mest lesið