Harmar ályktun Reykvíkinga

Guðríður Arnardóttir, oddviti Samfylkingarinnar í Kópavogi, hafnar því að Kópavogsfélagið í heild standi á bak við stuðningsyfirlýsingu við reykvíska flokksbræður sem krefjast stjórnarslita. Þetta kemur fram í bréfi sem Guðríður sendi til nokkurra samfylkingarmanna í Kópavogi.

Ályktun reykvískra samfylkingarmanna var þess efnis að skora á þingflokk Samfylkingarinnar að beita sér fyrir því að ríkisstjórnarsamstarfinu verði umsvifalaust slitið, og mynduð verði stjórn sem starfi fram að kosningum sem fram fari eigi síðar en í maí 2009.

Guðríður telur að landið verði stjórnlaust verði ríkisstjórn slitið og mynduð verði minnihlutastjórn Samfylkingar og Vinstri grænna. - shá