Fækkar enn í Þjóðkirkjunni

Enn fækkar hlutfallslega safnaðarmeðlimum í Þjóðkirkjunni, samkvæmt tölum Hagstofunnar. Í fyrra var 79,1 prósent þjóðarinnar skráð í hana, en voru 89,4 prósent fyrir áratug.

Þrátt fyrir það fjölgar skráðum meðlimum kirkjunnar, í takt við aukinn fólksfjölda. Árið 1998 voru 246.012 í Þjóðkirkjunni en í fyrra voru þeir 319.756.

Kaþólska kirkjan telst nú með afgerandi hætti næststærsti söfnuðurinn, með 2,92 prósent þjóðarinnar, en Fríkirkjan í Reykjavík kemur á eftir með 2,47 prósent. Þeir sem kjósa að standa utan trúfélaga eru nú á tíunda þúsund, eða 2,9 prósent. - kóþ